Gari lilisimama, na safari ilikuwa fupi mno. Nilipoinua macho kutazama, niliona kitanzi cha kunyongea, kilichotumika mara nyingi kiasi kwamba kilionekana kuwa sehemu ya kudumu pale. Nilivutwa kutoka kwenye gari, na mama yangu nyuma yangu. Lakini hakupambana wala kubisha kama nilivyokuwa nafanya mimi. Alisimama mwenyewe na kuinua kichwa chake juu, na hakuna aliyehitaji kumlazimisha kupanda ngazi za mbao hadi jukwaani, wakati mimi nilipiga kelele, nikatapatapa na …